- 15 -

1274. August. 3.

In nomine domini amen. Noverint universi et singuli presentem paginam inspecturi, quod nos Wladizlaus dei gracia Dux Opoliensis fatemur et presentibus protestamur, quod exhibitor presencium comes Stephanus Subvenator noster, de Sirdnize, emit aput Comitem Gneuomirum partem hereditatis quam in Sirdnize dictus Gneuomirus possedit ex antiquo, pro xx. duabus marcis, quarum ultimas duas solvit coram nobis et nostris pueris, quando sepe dictus Gneuomirus supradicto Stephano, nullo contradicente libere resignavit hereditates sepius memoratam. In cuius rei testimonium et cautelam, presentem paginam super eo conscribi precepimus et nostri sigilli munimine fecimus insigniri. Datum Ratibor in invencione sancti Stephani prothomartiris, Anno domini M°.CC°Lxx°. quarto, presentibus domino Gothardo prothonotario nostro, Vencezlao marsalco nostro, Moycone castellano de Olesno, Stephano de Mozorow, Stephano Raschiz, Gothardo Gisca, Boguta subvenatore nostro, et alijs quam pluribus fide dignis.

Mit kleinem Siegelrest an gelben and rothen Seidenfaden.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 2, Urkunden der Klöster Rauden und Himmelwitz, der Dominicaner und Dominicanerinnen in der Stadt Ratibor. Hrsg von dr. W. Wattenbach, Breslau 1859.